Monday, December 31, 2012

Dahon


ang taon tulad ng dahon sa tag-lagas
natutuyo, nauubos at sa sanga napipigtas
dumaraan, umaalis dala ang kapighatian
luha, takot at kasiyahan
sa paglagas ng mga dahon, isa lang ang nais ko
sana ako ay matira upang sa muling pagtubo nito
kasama kitang tikman muli ang tamis ng buhay


Sunday, December 30, 2012

Padre Damaso


Naimbitaran ako sa sarong burunyagan sa Quezon, habo ko man magsayuma ta maraot daa. Alas kuwatro nin maaga nagbyahe kami ni agom pasiring Quezon. Pababa pa sana ako sa sinakayana mi na jeep nadadangog ko na an sermon ni Father Damaso, huna ko ngani may rally sa laog kan simbahan. Pano-pano ki mga pobreng katoliko an simbahan ta saro ining munisipalidad na kadaklan kan tawo paraoma. Pobre kun baga. Nagsimba sinda para magtao nin pasasalamat sa biyaya na nakuwa ninda sa aldaw kan kapaskuhan.

Sa may enotan kan simbahan so arong kan mayor na nananao nin kwarta sa mga kaakian na saiyang nasasakupan. Maray si mayor tan aka isip magtao pero dae ko aram kun sa kaban ito kan bayan o sa sadiri nyang bulsa pero maurag ta bukas an saiyang harong para sa gabos.

Kan nagpoon na so bunyag, sabi ni father “ Total pasko man maglaag kamo ki kwarta  sa ipapanao na sobre, dae ipagbalik kun wara ining laog. ” Uyugon mo an, an bubunyagan nasa 20 na kaakian na an kada saro sang ribo an bayad. 20 mil tulos an makukuwa, wara pa so koleksyon sa misa asin sa sobre. Kaherak man kan mga tawong ini na mga simple an kabuhayan asin kadaklan paraoma. Bako naman donasyon, garo hold up na an nangyari. Imbes na dapat ngani libre na sana an pagbunyag ta pasko man nagi lugod na business. Pwera pa kan bado na sulog kan mga umboy, igwa pang pinanaong bado na kaiba daa sa bayad. Aanohon man ninda ito pagtapos kan bunyag?

Kan nagbubunyag si father, iridalian sa laog ki 30 minutos tapos na so misa na dae lamang nagtao ki sermon para sa mga ninong asin ninang na dapat maging ehemplo sinda bilang panduwang magurang.

Kadaklan sa mga nagsimba iyo sana ki iyo, narumduman ko lamang na kaito kan panahon ni Padre Damaso ginibong instrumento an simbahan ngani mapasunod an mga tawo, hanggang ngunyan padagos pa ining nangyayari.

An simbahang Katolika an pinakamayaman sa gabos, nyata kaipuhan pa maghagad sa mga pobreng ini?


Buhay pa si Padre Damaso hanggang ngunyan.






















Friday, November 9, 2012

Paalam, Aking Guro


ayokong umiyak
ayoko din malungkot
subalit anong magagawa
mainit ang pumapatak na luha
sa bawat tawa mo
sa bawat ngiti mo
sinong di makakaalala
sa turo mong magaganda
oras ay di nawawalan ng saya
sa tuwing nakaharap ka na sa kanila
ang bawat pangaral
ang bawat mabubuting asal
naging mabuting ina ka sa amin
naging inspirasyon
naging halimbawa

ipagpaumanhin mo kung papatak ang aking luha

paalam aking guro
sa muling pagkikita



Tuesday, August 21, 2012

Hangga't


hangga't kaya mong tumayo sa pagkadapa,
di ka nila pwedeng tawaging talunan

hangga’t kaya mong ayusin an iyong pagkakamali
di ka nila pwedeng husgahan

hangga’t wala kang naapakang tao
maglakad ka ng nakataas ang noo

hangga’t may kabutihan sa iyong puso
wag kang matakot

Wednesday, August 8, 2012

Sa Sakuyang Habaga An Gabat


( Istoryang Slippery When Wet and Wild : Strictly Not For Adults Only )




Dali dali akong nag uli, pigbubukod ko na so jeep na sakayan ko. Garo aabutan ako kan uran na ini ay, maitom an dampog. Nadadangog ko so mga uran na nagsusuriyaw, “ For Spartaaaaaaaaaaaaa”. Iyo, ta kakadalagan ko nakapurutol so tsinelas ko na spartan, bata dipisilon maghanap kaini. Habo ko man ki Havaianas ta kun mahabas makulog sa boot. Krssssttttt. Dae lamang nagtaram na makikilat ta masmile kuta na ako pero late na, makabungog an dalugdog. Salamat ta nakasakay man giraray ako. “ Bayad ma’, isa lang Batasan, kasasakay lang .” Three minutes na makulog na an takyag ko kakakawkaw kan pamasahe ko. Dae lamang ki may muyang mag abot kun dae ko pa sabihan so babae na paki abot sa driver. Daeng pakiararaman. Garo mga bungog. Simpleng tawo pa sana an, ano daw kun politiko na an mga ini. Garo so saro ko na midbid na congressman, kan eleksyon garo na anghel sa kaka suyo sa mga botante pag naka tukaw na dae na ki paki aram. Sana bako arog kaan. Kulang ki pakiaram an palibot ta kaya dakul an nagtitios.

Buminagrat na, take note, BAGRAT bako uran kundi bagrat. Dae ko mabilang an uran. Zero visibility. Arog kan mga pasahero sa laog kan jeep na ini, daeng pakiaram. An naheheling sana kun ano an nasa atubangan. Nag baba na ako, pero dae pa nag ooraw an kusog kan uran. Maparos paros pa, narumduman ko lamang kan bagyong Ondoy. Arog man kaini so panahon. Nag sirong ako sa tindahan kan mga DVD, uy ayos may pelikula si Maria Ozawa. Nagbakal ako tamang tama ini atdyan, bata malipot lipot. “ Magakano boss “ hapot ko sa paratindang akin a edad 15. “ Bente lang po” sabay inabot ko so tig pipisong bayad. Nagkagaw kagaw si nonoy, garo magabat na an bulsa nya sa mga sinsilyo. Dae man giraray nag pupundo an uran, nagbalyo ako sa ibong na tindahan asin nagbakal ki sarong long neck na Emperador Lights sabay paluto ki bitis ki manok. May nagkakarigos sa uran, may mga nagdadalagan, igwa man na nagsasalod ki mga balde nganing makatipid gayod sa tubig. Sa saudan na ini kadakol ki makakaon pero bilang sana an pwedeng kumaon. Nakikitawadan an sarong parabakal sa diit na tu’lang na naka tumpok sa karnehan. May aking nag iikit ki sira sa balde ni tiya. May tinderong pig lalansi an parabakal na fresh daa an karne nya maski may palarang pula an saiyang ilaw.

“ Pre’ luto na tong adidas mo ” kinuha ko at sabay sawsaw sa maharang na suka na pano na ki sebo kan barbekyu. Dali dali akong nagdalagan pasiring sa harong sabay sinalang so DVD ni Maria Ozawa. Dae pa ngani nag hahaloy, may nakaputan akong wet asin mahalnas. Nagtirik an sakuyang mata. Kakaibang pagmati an sakuyang namamatian. Sa laog ki haloy na panahon namatian ko liwat ini. Minuklat ko an sakuyang mata. Ay deputa, nagbabaha na sa laog kan harong. Dali ko na ginadan an main switch. Inapod ko si ermano asin pina alsa enot so DVD player na nakasalang pa si Maria Ozawa. Di baling madumog so ibang gamit bako sana so DVD. Sinakat mi sa second floor gabos na gamit, natada na sana so cover kan DVD na dumog na. Nagdu’ngaw ako sa luwas asin naheling an garo na Pacific Ocean na tinampo, garo may nag ihi na hegante. Kadakol na naman na pig aanod, basura, mga dahon. Pati mga pangarap na simple inanod na kan baha. Suminakat kami sa atop. Inanod na gabos mi na gamit, an naisalba ko sana an DVD ni Maria Ozawa. Nabos gabos na pinundar ni paderes kan nasa Saudi pa ini, an mga sapatos, ang mga picture na wara na akong kopya, an mga medalyang nakuwa ni ermana kan Buwan ng Wika, an mga CD, libro, bado, tukador, kasirola, kawali, arinola. So motor ni ermano na ba’gong bakal, ay hulugan palan inanod na man. Dae ko na mabilang kun perang harong na winasiwas kan baha, kun perang buhay na naman an inutang kaini. Mga negosyong nalugi. Mga inanod na pasadiri asin mga pangarap.

Pigtatakigan ako sa ibabaw kan atop. Kakaibang pagmati na haloy ko ng dae namatian. Dumugon ako. Naubos gabos na gamit. Saro sana an naisalba ko, an DVD ni Maria Ozawa. Kugos kugos ko pa. Dae ko aram kun sisay an babasulon. An sadiri ko. An mga pulitiko na nangako na pagseserbehan kita pag nasa pwesto na. An mga tao sa palibot ko na daeng disiplina sa pagtapok ki basura kun maski saen. An diyos ta nata pinabayaan na mangyari ini?

Bako pa ngani ini bagyo, simpleng uran na dara sana kan habagat.

Kinupo ko na sana si Maria Ozawa maski daeng init akong namamatian.





Monday, August 6, 2012

Dae Pagbasahon : Sige Lugod, Basaha Na



              
                Atab pa kan nagsakay ako sa FX pasiring sa Quiapo, aw inda kun ano an naglaog sa alimantak ko ta na-isipan ko na mag lamyerda. Pagkalipas ki perang minuto nakasakay man giraray ako, nagtatagdo an sakuyang daplos pagkatukaw ko. Dae ko aram kun natutunaw ako sa sobrang init o naruru’mit na ako sa kataning ko na nalingawan gayud mag dyeta. Busy an kada muro sa kakapindot kan saindang mga cellphone, dae na namangnuhan na may naligis na sarong aki. Sige man giraray an pindot, so saro sige an kuwa ki ladawan, baad ilalaag sa Facebook nya. Naheling ko an sarong tarpaulin ki sarong pulitiko na sabing “ A PROJECT OF YOUR HONORABLE MAYOR “, a project of your honorable mayor? Huna ko kwarta mi an hale sa samuyang buwis nata ta pangaran mo an nakalaag?

                Tinurugan ko so byahe ta trapik sa may bandang Araneta Avenue, naglalaag daa sinda ki underpass para sa matuwid na daan. Dae ko aram kun talagang sementado na an dalan pasiring sa pag asenso o pigtatapalan sana ki espalto nganing dae maheling an lubak. Pero dakul man giraray an nadadalinas. Nagimata akong lagpas na sa dapat ko na bababaan, Liwasang Bonifacio na palan ako, ay hamag sana an. Buminaba ako asin naglakaw na sana pasiring sa Quiapo, atab pa man asin magayon an panahon. Mainit asin maparos paros. Naagihan ko so sarong salog na kolor tsokolate na, dakul an naglalataw lataw. May plastic, may basura, water lily, gadan na ayam, gadan na ikos, gadan na kino. Nangalagkalag ako baad may maheling ako na gadan na tawo, wara man. May nakasurat na “Buhayin Natin Ang Ilog Pasig ” sa sarong parte kan riprap. Haluyon na panahon na pigbubuhay an salog na ini, garo na baga ini nasa ICU. Pigoperahan na, pig harale na so mga informal settler, ain pigpunduhan na kan gobyerno asin mga pribadong organisasyon. Iyo man giraray. Kun baga sa tawo, comatose na an salog na ini. Saen daw napaduman so kwarta na pinundo digdi? Binulsa? Nasayang lang sa wara? Comatose man giraray an salog na ini. Sayang kan effort, sayang kan kwarta, sayang kan oras.

                Sa wakas. QUIAPO. Ano an sikat sa Quiapo pwera kan simbahan? Ang nagkalat na MAGIC POTION, pamparegla, delay an regla, gayuma, pampa virgin. Huh? Pampavirgin, iyo dakulaon nakasurat. Pwede gayud ining gamiton kan mga lusyang na, garo man sana teenager na dae pa nagisi so hymen. Pero an pamparegla na an front man sana an kan herbal na pampalaglag. Iyo. Tama an dangog mo, pang abort. Mga pampahid sa rayuma, buni, alipunga. Bulong sa naungman. Sa sarong lugar kun saen harani sa simbahan yaun man an alipores ni Taning. Anting anting, buntot pagi, pangontra sa aswang, likido ki kobra, pampahid na lana ( inda kun igwa so piglalahid kan manananggal ) asin kun ano ano pang pampahale ki maraot na ispritu asin malas. Sa heling ko bako ini epektibong pam palayas ki karautan ta mismong sa gilid sinda kan simbahan nagkukuta. Naglakaw ako pasiring sa Lacson underpass, nakahigda an mga aking huba asin mga urusingon. Nagtuturo an sipon asin dae mo na maaraman kun ini kalansay na buhay o buhay na kalansay. Naghahagad ki piso para may pambakal daa ki tinapay. Ginawgawan ko man sabay dalagan sa sarong lalaki na sa tantya ko tugang nya. Nagbalyong tinampo asin diretso sa sarong harware, pagbalik may darang plastic na an laog sa ona ko Jelly Spread. Sininghot ni nonoy so rugby sa laagan, sayang kan piso ko. Ako pa so rason na nadagdagan so pambakal nya ki rugby.

                Nagbaba na ako sa pig aapod ko na HAGDAN TUNGO SA KAHIRAPAN, yaraun digdi natitipon an mga paralimos. Gurang. Aki. Babae.Lalaki. Bakla.Tomboy. Mga nakahigda sa hagdan. May turog, may nagkakanta. May buta. Mga pinabayaan na kan saindang pamilya, kan saindang gobyerno. Sa katahawan kan underpass kadakol an mga pigpapabakal na kun ano ano. Inda ta wara na so tindahan digdi kan vibrator, dildo, sex toys, bolitas asin pirok kan kambing. Igwa pano kaitong sarong killjoy na nagreport ki Tulfo kaya sinda na raid. Nagluwas ako sa may parte kan Quezon Ave, sa may hampang kan Greenwich. Nagpasiring sa likod kun saen talamak an pagpapabakal ki piniratang DVD, CD, VCD. “ Boss DVD DVD “ apod sakuya kan sarong nagtitinda, “ May bago kami, bold ba? Meron kami Katrina at Hayden ”. Kahampang an sarong kaunan kun saen nagkakaon an mga bundat na pulis ki mami buda tinapay. Nagbalik ako sa Plaza Miranda kun saen nagkalat an mga para tinda ki maski ano, pang gadan ki kino, panghale ki bara, lobo, kawatan, burak, tinapa, prutas, gulay, aki. Iyo, aki. Pero dae ko sigurado kun totoo na may pigpapabakal na aki. May mga aki na sigeng durudalagan na daeng kalson, pigbubukod ang mga naglalayog na langaw. Haen na daw so mga magurang kaini.

                Sa likod kan simbahan nagkalat man ang mga pigpapabakal na rosaryo, rebulto, palaspas, kandila, altar, bracelet buda kun ano ano pa na patungkol sa diyos. Narumduman ko na nadagit si Kristo kaito kan kadakol na nagtitinda sa sambahan kan saiyang Ama. Ano daw kun buhay ngunyan si Kristo? Ano daw an sasabihon nya sa mga namamahala kan simbahan?  Nagdiretso ako pasiring sa Paterno, sa mga laboratoryo asin bakalan ki mga salming sa mata. Dakul digdi. Ibong ibong an mga tindahan. Pila pila an mga laboratoryo. Kun gurano man kadakol an pagpapalinaw sa mata iyo man kun gurano kita buta sa mga naheheling ta sa palibot. Nagkalat an mga basura, mga taong grasa asin mga tambay na daeng trabaho. Alas dyes na palan, mamahaw daw muna ako. Diretso ako pasiring sa Carriedo, surusuan an tawo. Sale palan sa SM Quiapo, saro sa mga bako na sikat na SM. Nagkaon ako sa may gilid kaini. Basog na pero naheheling ko kun gurano kagutom an tawo sa palibot ko. Gutom sa pagkamoot ki sarong pamilya, gutom sa serbisyo kan gobyerno. Basug basug na man an nasa pwesto, na sa sobrang kabasugan, tinurugan na ninda an saindang nasasakupan. Paminsan minsan nakakatana man an saindang mga nasasakupan ki pakaon ki lugaw na dae bangot. Arog kan buhay minsan may siram, minsan wara.

                Ugto na pero imbes magkaraon, beer an nasa lamesa sa sarong KTV bar. Mga sintunadong boses na nagngangaw ngaw sa kanta ni Frank Sinatra. Mga suka na nagkalat sa salog. Baad pigtakasan ninda an saindang problema sa pag inum pero pag naubatan na mas malala na problema ta nakapasa ki gamit sa KTV bar.  Mapait daa an problema kan buhay, mapait man an beer pero masiram pag malipot.

                Napagal na ako kakatalibong, nag desisyon na akong umuli. Nag agi liwat ako sa simbahan. Inapod ako ki sarong manghuhula. Itago ta na sana siya sa ngaran na Madam Auring. Gurang na pero may alsom pa daa siya. Si Madam Auring an pinaka makapangyarihan na nilalang sa mundo gamit an pagbasa kan saimong palad. Aram nya an mangyayari saimo. Tuminukaw ako ta pagal naman akong kaka talibong. Kinaputan nya an sakuyang kamot asin hinapot an pangaran ko. Ini an manghuhula na dae mahulaan an pangaran ko. Sa kantidad na P50, kaya nya daang maaraman an sakuyang future. Game sabi ko. Tinaas an saiyang kamot na garo nag aagda ki mga spirits, sana bako ispiritu ki gadan na kongresman an makuwa kaini. Kaya nya man daang ikulam an mga kaiwal ko. Oragon si tiya. Di payt man ako.Magiging mayaman daa ako buda magkakaigwa ki dakol na aki. So enot baad iyo, mayaman ako pero so panduwa alanganin si tiya ta sabi kan gobyerno maipapasa na daa so RH Bill. Baad dae ko na padakulon an guwapo ko na lahi. Tama na gayod na diit sana kaming guwapo. Kun dinagdagan ko pa gayon so bayad ko baad naaraman ko kun saen nakalubong so Yamashita Treasure. Kaya lang ngunyan ko na sana naisipan.

                Nagigiulok akong naglakaw pasiring sa sakayan kan FX. Garo nalansi ako ni Madam Auring. Nasaruan ako. Dae ko aram kun nag palansi ako o talagang linansi ako. Naglalansihan. Nalansi. Nadaya. Dae mo naman ini malilikayan, siguro kaito nadaya man sinda, ngunyan naman an pagkakataon na mandaya sinda.

                Sa bandang katapusan, sadiri ta man sana an piglalansi ta. An pigdadaya sa arog kaining proseso. Pagmati ko dara ko an gabat kan mundo. Sa kadakol tang tawo na nasyon na ini, saro sana ang nasa isip ko ngunyan.

                “ dae ko na sana isipon, garo so may magiginibo man ako “

…. naglakaw na sana ako pasiring sa sakayan na garo warang nangyari.

pinoylakwatsero.com

Friday, August 3, 2012

An Babae Sa Tulay


banggi na 
nagpapalayog kan aso
sa may tulay
markado ki pulang lipstick
mahamot an parong
pigapaypay an kada nag aagi
nganing may pambakal ki bulong
sa umboy na may helang
pauli na
an babae sa tulay


Wednesday, July 4, 2012

Pighahalat Ko Na Ika


pighahalat ko na an aldaw na makukugos ta ka,
an maheling an ngirit mo sa pagka aga,
madangog an saimong hibi asin ulok
an maparong an saimong hamot

pighahalat ko an aldaw na kakantahan ta ka
asin ibabayle sa kansyon kan gayon kan bikolandia
sa sakuyang daghan ika sakuyang kukuguson
hanggang sa pagturog mong hararom

pighahalat ko an aldaw na iyan


Sunday, June 17, 2012

Nem, Kawasa

ata na
pigtaraman ka
na dae
sisay pigbabasol mo
an saimong sadiri?
muya mo baga an
pero
pakihuron ko
dae mo pagtanuson an sala
ki saro pa
ipadagos mo an

nem kawasa


Monday, June 4, 2012

Ginisa


nagkakaraba na
an dagit na kalayo
nakangirit na man
an lana sa kawaling maitom
nakikimaherak
an bawang asin sibulyas na giniris
tinulak
kan syanse, nakikimaherak na kamatis
nangrulungsi
an karneng ba'gong katay
urawang 
nagngangarakngak an balaw
sa ibong na lamesa mientras nakata'naw 
so malutong bahaw
naglangoy na sa natok
an ladang kusubago pa kakaulok


Friday, May 11, 2012

Para Kay Mama

Ina

siyam na bulan
akong dinara
makulog
pero tinios mo
an hibi ko
ngirit saimo
salamat sakuyang ina


Inay

siyam na buwan
akong dinala
masakit
pero iyong tiniis
ang aking iyak
ngiti para saiyo
salamat
aking ina


Mother

nine months
carried in your womb
painful
yet endured it all
my cries
a smile for you
thank you,
mother



Monday, May 7, 2012

Garo Ka Uran

dae ko napag huna hunaan
na maabot ka sa sakuyang kinaban
dara mo an panganuron
dampog na maitumon

dae ko nareparo an pagbagsak mo
sa namamarang pagmati ko
hinale mo an sakuyang paha'
tinakluban an mainit na luha

kinarigos mo ako ki pagkamoot
inanod mo an kulog kan boot
an sakuyang puso malinig liwat
salamat sa saimong pagpadangat


Wednesday, April 25, 2012

Paaram Na

paaram na
pigtutulak na ako paabante
harayo na palan an naka agi
dae mo man lang namatian

ngunyan ko lang nasabutan
na wara na talagang padumanan
ngunyan ko naheling an hampangan
na haloy na palan na yaun, dae ko namaanan

kun winalat ta ka man
kun dae ta na mababalikan
ako saimong patawadon
kaipuhan na ako kan ngunyan

pigtutulakan na ako kan panahon
na sa paglakaw paabante magpoon
patawadon moako
paaram na saimo


Thursday, April 19, 2012

Dae Ko Nareparo

dae ko nareparo
na bukas an pinto
wara ka na palan
dae ko man lang naaraman

malipot na so kape
asin upos na sana an sigarilyo
malipot na an paros
mainit na luha an nagbulos


Wednesday, April 11, 2012

Dapit Hapon

ang pag ibig natin
parang liwanag ng araw
nakabighani
nakaka aliw pagmasdan
ang init nito'y kay sarap namnamin

isang magandang tanawin sa silangan
kay sarap yakapin at samyuhin
nakakapaso
ako'y nadadarang
ng di ko namamalayan

habang tumatagal
lalong umiinit
lalo akong nasasabik
parang mga labi mo
na nais kong humalik

subalit sa paglipas ng oras
pag ibig ay nanlalamig
tila sumusuko sa langit
pilitin man ay di na maibabalik
init ng pag ibig ay hirap ng ipanumbalik

ang pag ibig ay tulad ng dapit hapon
pilitin mo ma'y di maikakahon
ang init ay mapapalitan ng lamig
na sa buong araw buong puso'y pinananabik
lilipas ang init at maiiwan ay pasakit

ang dapit hapon ng pag ibig ay dumidilim
kahit anong pagtangis, kahit anong pag amin
subalit dala nito'y isang bagong umaga
isang bagong pag ibig
na sa ati'y muling magpapasaya


Monday, April 2, 2012

Si Jess

Sarong simpleng karpentero si Jess, arog kang sarong simpleng tawo igwa man siya ki mga barkada. Sarong aldaw, urawang yaon siya sa saiyang shop nag ngalas ang saiyang barkadang si Pedro. “ O, naano ka ta garo ngalason ka?” ang hapot ni Jess kay Pedro urawang pig pupolido nya ang sarong tukawan gamit ang electrical grinder. Nagluwas si Pedro sa shop nag killing killing ki wala – too, tuninong so saindang eskinita na sa arog kang aldaw na Sabado nag papakusugan ang speaker kang pag taraning na harong. “ Brown out baga padi pero nata ta nag aandar ang saimong grinder? ” hapot ni Pedro mintras pig pipindot so nakasaksak na mp3 player. “ Aw iyo? ” dae naman nag ngalas si Jess sabay sabi na minsan nangyayari daa iyan saiya na dae nya naaraman.

                “ May powers ka padi, pwede ka na maging superhero o kaya sa peryahan pwedeng pag kakwartahan. ” nagdadarakula biyo ang mata ni Pedro. “ Aw inda ka daw, kung ano ano nasa ang naiisip mo epekto an kakaheling mo kang mga anime.” Pigasaray na ni jess ang mga gamit nya nganing pumundo na si Pedro.

                Pag kalipas ki pirang semana, nagtuturo na si Jess kang mga naukdan nya. Libre ang pagturo nya, pig gagamit nya ang saiyang espesyal na talent ki pa simple. Pero may tawo talaga na maimbot sa kapwa, nadadagit saiya. Sarong aldaw may kung anong epidemya ang nag abot sa saindang baryo. Ang mga tawo nag helang ki maski ano anon a dae maipaliwanag kang doctor asin sensya. May sarong akin a nagadan na kataid ni Jess, sa dae man pigtuyo na pangyayari, nag sungo’ si Jess asin nagturo sa aki so dugo nya sa aki. Bigla ining naghangos asin nabuhay. Dinara sa mga doctor so aki para obserbahan, pighapot ninda kung ano nangyari. Sinabi kanga ma na so dugo ni Jess ang naka bulong sa saiyang aki. Pinahanap si Jess, pig obserbahan ang saiyang dugo. Pig testing sa ibang pasyente, narahay halos gabos sa laog ki perang segundo. Naging lab rat si Jess. Puro tudok ki dagom ang saiyang lawas. Bugbog sarado na ang hawak ni Jess. Nagrereklamo na si Pedro ta nakukulogan na ang saiyang padihon. “Punduhon na nindo an, dae nindo naheheling na nakukulogan na sya, hilinga na ang kamugtakan nya. ” pasuriyaw na sabi ni Pedro urawang pigtutulak paharayo ang mga tawo.

                “ Dae ka maging maori Pedro, kung ang dugo ni Jess ang makakarahay sa gabos nata ta dae maski maubusan siya ki dugo para sa samuya. ” suriyaw kang sarong ama na bitbit ang saiyang akin a nag hihingalo na. Dinulag ni Pedro si Jess, itinago sa may kadlagan. “ Digdi ka muna padi, hanapan ta ka ki lugar na pwede mong pagtaguan.” Lupaypay na si Jess, garo wara na ki hinangos. Sa plaza nahiling kang mga tawo si Jude saro sa mga barkada ni Jess. Pigrani siya kang kapitan del baryo asin nagsabi na “Aram ko na kaipuhan mo ki kwarta para maka hale ka na pasiring sa abroad, napag urunan mi na itao saimo ang trenta mil, dakulang tabang na an ituro mo lang ang pigtataguan ni Jess. ” Dae na nag duwang isip si Jude , kaipuhan nya ang kwarta. “ Wara kang kwentang padihon ” pig duduro ni Pedro si Jude “ Tinabangan ka ni padi pero iyo ini ang ibinalos mo saiya? ” naghihibi na si Pedro warang nagibo kang kinuwa kang mga tawo si Jess, napatukaw na sana siya sa sarong gilid.

                Nagturulakan ang mga tawo kang naaraman na yaon na si Jess. May muyang ma enot. May nag suntok na sa pandok nya para lang mag luwas ang dugo sa saiyang dungo. May dae pa nakuntento, sinaksak sa tagiliran para todo ang bulos kang dugo. Wara na ki naginibo so mga pulis ta maski sinda kaipuhan man ang dugo ni Jess. Nag diklom ang pag hiling ni Jess, diit diit luway luway pigbabawian ki hinangos . Alas tres nin hapon kang nagadan si Jess, mamara na ang hawak nya ubos ang dugo. Narahay ang mga tawo, balik sa normal ang saindang lawas dahil sa dugo ni Jess. Sinakripisyo ni Jess ang saiyang buhay para maligtas ang gabos, hanggang sa ultimong tag’do kang saiyang dugo………

Saturday, March 24, 2012

Telepono

hello, hello,hello
nata daw habo simbagon
message sent
habo mag reply, haluyon
sorry na dae na mauutro
sorry na dae man pig tuyo

hello, hello,hello
cannot be reach ka daa
redial ko liwat
epekto ini kan iwal ta?
dae ko na utruhon
basta ako saimong kahuronon

hello,hello,hello
please lang simbagon mo
ring,ring,ring
dagit ka pa sako’?
maluya an boses mo nata?
naghihibi an sakuyang padaba?

“ lingawan mo na ako
warang padumanan iniyo,
an pagkamoot mo totoo
paaram pero nakukulugan ako ”
tot tot tot tot tot
hello, hello,hello

Sampaguita

pa’no ko malilingawan
maski sa kadikluman
napaparong ko an hamot
kan saimong pagkamoot

Thursday, March 22, 2012

Keep Me In Your Memory

and when time comes when we say it’s over
because someone came along
keep me in your heart
don’t say someday i’ll forget you
your face, your name or your scent
don’t be afraid to take me with you
smile everytime you see me
everytime you close your eyes
and when you dream
take me to your place
into your heart, into your arms
think of happy thoughts
keep me in your memory

Wednesday, March 21, 2012

Busy At The Moment

message sent
warang reply
pm sent
warang reply
tweeted
no response
baad mananggad busy
di bale
padaba ta ka
dae ko kaipuhan ki simbag
ta aram ko na

Tuesday, March 20, 2012

Sa Saimong Daghan

saen baya?
mamamatian
an kugos na daeng kaimbutan
an pagmating ako sana
an saimong padaba
saen pa kundi sa saimong daghan

Monday, March 19, 2012

Habo Ko

habo ko
na magturog na dae taka kataid
o an sakuyang mata solong ipikit
muya ko na ika kuguson
sa rarom kan banging malipoton


habo ko
na magmata na wara ka sa pagmuklat
muya ko madangog ako saimong padangat
an maheling an mahamis mong ngirit
sa kada paghadok kan aldaw sa langit


habo ko
na magtukaw na mamundo’
muya ko kapot ang saimong kamot kun nagpapahingalo
ika nakasandig sa sakuyang daghan
an maogmang nakaagi satuyang balikan


habo ko
na maheling an luha sa saimong mata
itatao saimo ang sakuyang pagpadaba
an muya ko an maging maogma kita
hanggang sabay kitang magduyan sa liya liya

Friday, March 16, 2012

An Tugon

sarong aldaw naghilingan an dating mag ilusyon, nagkumustahan so duwa asin nag balyuhan ki numero ki cellphone. si babae igwa na ki pamilya asin may duwa na ki aki, naoogma man so dati niyang kailusyon ta maski papano nasabi na nya saiya an bagay na ito. wara na man ki ama so mga aki kaya solong pig buhay kan babae an saiyang mga aki.sarong bangi na text si lalaki na an muya nya kada, pagmata, pag-abot hale sa eskwela asin bago magturog hahadukan nya an mga aki para sa saiya. iyo na sana daa an paagi nya kan pagpadaba nya sa mga aki kan babae. nagtugot man so babae. oro aldaw nag tetext so lalaki kan saiyang pakihuron sa babae.

makalipas ki sarong semana, dae na syang naresibeng text sa dati nyang ilusyon, pero padagos pa an saiyang paghadok sa mga aki nya na naging dalan para magibo nya ini uro aldaw na dae nalilingawan. paglipas ki sarong bulan may uminabot na surat sa saiya.

" kun nababasa mo ining surat na ini malamang nagtalikod na ako sa mundo, kan nagtuparan kita semana na sana an pig bibilang ko, pinirit ko na hanapon ta ka pero naaraman ko na may pamilya ka na palan. so tugon ko saimo na hadukan sinda iyo an paagi ko na dae mo pagbalewalaon an kada oras na kaiba mo sinda asin hadukan, na pwedeng sa paghale mo mawara sinda saimo. padabaon ta ka kaya dae ka maghibi, an pagkamoot ko para sa saimo ipamati mo sa mga aki mo "



Thursday, March 15, 2012

Dae Mo Man Taramon

namamatian ko
an init kan pagkamoot
an hamis
an pagsuriyaw
an pag iidaw
maski daeng boses
namamatian ko
maske dae mo man taramon

Sa Saimong Mata

sa saimong mata
nasasalming an ogma
arog kan pagsirang kan aldaw
pirme ako saimong naiidaw
sa hamis kan ngirit mo
nawawara an paha kan puso ko
sa kada bangguing kaiba ta ka

Sunday, February 19, 2012

An Lagapak Kan Uran Sa Sakuyang Atop

saro, duwa, tulo
nagpoon na ang ritmo
naglipot na ang paros
kaipuhan ki kakugos
mantang nagkakanta an mga talapang
namumundo akong tawo sa kina’ban


Sunday, February 5, 2012

Ngunyan, Sagkud Pa Man

ngunyan, sagkud pa man
ika ang sakuyang papadabaon
iibanan sa lakaw kan buhay mo
sa kaogmahan asin sa kamundu’an
sa aldaw na malilipot ako an saimong tamong
an makugos saimo para maging mahimbong
an mahungit sa aldaw na dae ka makakakaon
an masukray kan saimong buhok
asin an maalalay kun dae ka makatindog
ako an magiging sandigan mo
an ilaw sa panahon na madiklom
an sirungan sa aldaw na mauran
ako an magiging kaapil mo
an mahampang sa bagyo kan buhay
an magiging angkla sa dagit na dagat
ako asin ika
ngunyan, sagkud pa man

Wednesday, February 1, 2012

Arog Kan Sarong Burak

makolor 
mahamot
asin magayon
arog kang sarong burak

pagkamoot
simbolo
alay
arog kang sarong burak

tuninong
nagbabayle sa paros
maogma
arog kang sarong burak

ika
padaba ko
sagkod pa man

arog kang sarong burak

Sa Pagmuklat Kan Mata

sa pagmuklat kan mataika an muyang makaiba
na kukuguson asin sasabihan ka
halea na an muta sa saimong mata
hahadukan ang saimong pisngi
maski ang liwoy mo giniraan ini
kakahurunon ka ki may pagkamoot
maski angaw mo bako pa mahamot

Tuesday, January 31, 2012

Arog Kan Pagkamoot Ninda

an dagat maghali man sa baybayon
sa saiyang kugos mabalik sya gilayon
maski anong panahon an magabot
sa saindang daghan minabalik an pagkamoot

Thursday, January 26, 2012

Sa Kanyang Sariling Mundo

                Nagsusumigaw na ang haring araw ng magkita kami sa parke malapit sa simbahan, halos malayo din ang aking nilakbay para marating ko ang sinasabi niyang ang kanyang lihim na lugar. Hawak ko ang aking paboritong inumin, nakatayo sa labas ng isang tindahan. Binati ko sya sa unang pagkakataon na aming pagkikita. Isang matamis na ngiti ang sinalubong nya sa akin, at ako din sa kanya. Hinila nya ako ng kanyang mata na sundan ko siya sa kanyang lihim na lugar kung saan tahimik ang paligid at walang pakialam ang mundo. Naglalakad kami sa sigaw ng init ng araw subalit kumakanta ang hangin na parang ako’y hine hele. Masaya ang kanyang mga mata sa unang pagkakataon na ako’y kanyang nakita.

                “ Kumusta ka? ” isang ngiting kay sarap pagmasdan ang kanyang ibinato sa akin habang naglalakad kami.  “ Heto mabuti naman, masaya akong nagkita tayo. Saan mo pala ako dadalhin? ” tanong ko sa kanya habang kami naglalakad na di alintana ang init. Hawak ko pa din ang aking inumin at inalok siya, isang ngiti lang at iling ang  kanyang sinagot. “ Malayo pa ba? Parang walag katapusan to. ” pabirong tanong ko sa kanya. Tinuro nya lang ang isang malaking tarangkahan “ Malapit na, wag ka lang titingin sa na ka bantay .”  Nakarating din kami sa wakas.       “ Ito ang aking lihim na lugar, akin ito. ”

 Maganda ang lugar, gusto ko. Mahangin at maraming puno. Malawak nga ang kanyang mundo. Sana meron akong ganito kung saan malaya ako. Malamig ang ihip ng hangin kahit ang sikat ng araw ay pumapaso sa aking balat. Umupo kami sa isang sementadong upuan at nag usap. Buong maghapon puno ng kwentuhan. Lahat na ata ng pwedeng mapagkwentuhan ay napag usapan na naming. Tahimik. Ang kanyang mga boses lamang ang aking naririnig, ang kanyang panaka nakang pag tawa sa aking mga kuwento. Mga tanong na wari’y akala mo walang sagot pero meron pala. Masaya ang buong maghapon, tawanan, kuwentuhan, mga bagay na bihira mong ibahagi ngunit masarap pala kapag ang bukas ang isip ng iyong kausap.

Ayoko pang umuwi subalit nagsisimula ng mag agaw ang liwanag at dilim, niyakap ko sya at sinabihang masaya ako sa araw na ito na nagkasama kami at nag kausap. Bago kami naghiwalay ng landas, pumasok kami sa simbahan upang magpasalamat. Pagpapsalamat sa mga bagay bagay na kahit papano’y nagpapsaya sa amin, mga bagay na kahit papano sa sandaling panahon ay naging makabuluhan. Sa aking pagpapaalam, isang ngiti muli ang aking nasilayan. Isang ngiti mula sa isang engkantanda na nagbibigay ng liwanag sa madidilim na gabi. Masaya ako at dinala nya ako sa kanyang paraiso, sa kanyang sariling mundo.



Tuesday, January 24, 2012

Habo


habo ko pa
muya ko ng magrayo
pero dae kaya kan mga bitis ko
pigpupugulan ang paglakaw
luway luway
diit diit
napapaknit na an laman kan pagkatawo
an kada bagsak kan luha
sa sakuyang mata
iyo man an pag ma’wot
na muya kang makaiba
garo dae na maabot an satuya
ta habo mo na sakuya


Friday, January 20, 2012

Sa Rarom Kan Banggi

madampog an kalangitan
iniba ta ka sa sakuyang daghan
sa bilog na banggi ika an kaibahan
sa tahaw kan daeng katapusang kadikloman
an ragitnit kan katre sa rarom kan banggi
ako napahengheng saimo asin nagsabi
satuyang samaan an siram kan pagkamoot
hanggang an pagputok kan aldaw umabot
ipamati saimo an init kan sakuyang palad
sa lipot na ini, mation an pigbabalad
sa kada hangos na satuyang pigbubukod
paghangos na nagkakaburubod
sa rarom kan banggi satuyang samaa'n
samaa'n ta an satuyang pagkaminootan

Saturday, January 7, 2012

Tagaw

tagaw na nagkakamang sa kisame
siram pag iling ilingon kung nakahigda sa katre
nata daw ta dai sinda nahuhulog
sa kakamaan mata ko minakulog
ang sakong luong minsan matanglay
na nakapatong sa dakulang tabay
sige sa kakabukod sa lamok na nag layog
ingat sa ipot na mahuhulog


Ang Adal Hale Sa Sarong Aki

Pig hapot ako kang pamangkin ko na babae, "Tito love mo ako?" sabi ko saiya "Iyo tabi baba ko." sabay bukas kang sakuyang mga braso na naka dupa. Siya man hinapot ko "Baba ko love mo man si tito mo?" tinanguan ako sabay turo sa nakapakong imahe ni Kristo sabay sabi “Love ta ka arog kang pagpadaba niya."


Thursday, January 5, 2012

Angel

siguro bako pa panahon nganing makaibahan ta ka
madangog ang saimong pag hibi, an pagmuklat kan mata
an maheling ko an saimong mga magagayon na ngirit
an saimong mahimbong na pagturog asin pagpikit
an makakugos ta ka sa sakuyang daghan
asin sa bilog na bangi kakantahan

siguro bako pa panahon nganing makaibahan ka
madangog ang saimong pag ulok, siguro dae pa
an maheling ka
an makugos ka
an padabaon ka
sa kalangitan
saro ka ng bitoon

Wednesday, January 4, 2012

A Love Story



Sarong Istorya Ki Kakaibang Pagkamoot Sa Apat Na Punto : 
 

Ang Gurang Na Mayaman


     Saro siya sa mga respetadong tawo sa saindang lugar, mapagpadaba sa pamilya daeng bisyo. Sarong ideyal na ama asin agom, maboot na amo asin mapagkumbaba. Padaba kang simbahan sa kadakol na natao sa kura paroko. Mahigos sa saiyang mga negosyo. Hale sya sa pig aapod na from rags to riches, dating para bote, shoe shine boy, nagpapabakal ki dyaryo sa tinampo.

     Kada sabadong hapon nagpapasiring sya sa lugar na dae aram kang saiyang agom, aki asin mga empleyado, pwera sa saiyang driver. Nagdadalagan ang saiyang awto. Mahamot ang laog, garo may sarong pahamot na naula sa laog kang saiyang pigtutukawan. Nagbaba sya sa sarong lugar, binuksan ang saibong na pintuan kang auto. Nag liliwanag sa tama kang nagkikimat kimat na ilaw ang bulawan sa saiyang liog, inalalayan ang sarong babae palaog sa sarong beerhouse.


Ang Pagkamoot Ni Salome


     Nagkikimat kimat ang ilaw sa luwas kang beerhouse, garo aninipot sa madiklom na bangi. Nag arabutan na so mga parokyano. May naka kotse, may pighatod ki traysikol, may naka motor asin may walk in. Mahamot si Salome, siya ang star kang club ninda. Pighatod siya ki sarong gurang na naka Mercedes Benz. Nag tugtog na ang sarong kansyon na pampakaturog, pampainit sa iba. Kantang pang romansa. Nagbayle na si Salome, nag paralakpakan ang mga parokyanong garo mga agas sa laman. Nagliliwoy.

     Kang biglang may nadangog na putok kang badil. Bagsak si Salome. Pano ki dugo so stage. Sarong lalaki ang may kapot ki badil, naghihibi. "Ika sana ang padaba ko Salome, kung dae ka man sana mapapasakuya, dae ka mapapakinabanggan ki iba." BANG.


Hanggang Kagadanan


     “ Dae mo kami pagwalaton kang aki mo, padabaon ta ka. ” iyo ini ang madadangog mo sa harong ni Martin urawang bitbit kang agom ang sarong maleta na pano ki bado. Sige ang hibi kang aki asin si Martin. “ Nata ta dae ta kamo bayaan?, mga bwiset kamo sa buhay ko poon kang inagom ta ka dae na lamang ako nakatana magsine o mag shopping man lamang. Bako arog kang iba ko na boyfriend kaito na sunod ang luho ko, inda daw nata ika ang pinakasalan ko.” suriyaw kang babae urawang paluwas sa sadit nindang harong, kung iyan pa ang maapod mo. So mga usi naman ang binalingan kang babae, “ Hoy uruli na kamo ta tapos na ang mga drama, saro man kamong mga bwisit.” Nawalat si Martin kugos ang saiyang aki, naghihibi.

     Piglunod ni Martin ang problema sa alak. Pig heheling ang babaeng nagbabayle sa ibabaw kang stage. Tinutok ang badil sabay suriyaw "Ika sana ang padaba ko Salome, kung dae ka man sana mapapasakuya, dae ka mapapakinabanggan ki iba." Sarong makabungog na putok ang nadangog, sa pagdaralagan kang mga tawo natumba sa stage si Salome. Sarong putok pa, nagdiklom na ang pangiling ni Martin.


Ang Pang Gatas Ni Kulas


      Si Kulas, tambay sa gilid kang beerhouse. Barker kung apodon, garo ayam na sigeng kurahaw. Luwas laog sa kulungan sa salang pag habas. Nahiling ni Kulas so gurang na naghatod sa sarong babae sa laog kang beerhosue, napupuruputan ki bulawan ang liog. Nagdarakula so mata ni Kulas. Jackpot. May pambakal na siyang gatas para sa aki nya.

     Naka kuwang tyempo si Kulas, kinua so naka puropot na bulawan sa liog kang gurang. Binakay kang body guard si Kulas. Nagburukudan sinda sa may eskinita pasiring sa may sementeryo. Bang. May nadangog si Kulas na putok kang badil. Nagdaralagan so nasa beerhouse, may gadan na dancer.

     Aga, naghahalat si Miriam sa saiyang agom. Gutom na ang saindang aki, sige na ang hibi. Haen na si Kulas asin ang gatas?