Dapit Hapon

ang pag ibig natin

parang liwanag ng araw

nakabighani

nakaka aliw pagmasdan

ang init nito'y kay sarap namnamin

isang magandang tanawin sa silangan

kay sarap yakapin at samyuhin

nakakapaso

ako'y nadadarang

ng di ko namamalayan

habang tumatagal

lalong umiinit

lalo akong nasasabik

parang mga labi mo

na nais kong humalik

subalit sa paglipas ng oras

pag ibig ay nanlalamig

tila sumusuko sa langit

pilitin man ay di na maibabalik

init ng pag ibig ay hirap ng ipanumbalik

ang pag ibig ay tulad ng dapit hapon

pilitin mo ma'y di maikakahon

ang init ay mapapalitan ng lamig

na sa buong araw buong puso'y pinananabik

lilipas ang init at maiiwan ay pasakit

ang dapit hapon ng pag ibig ay dumidilim

kahit anong pagtangis, kahit anong pag amin

subalit dala nito'y isang bagong umaga

isang bagong pag ibig

na sa ati'y muling magpapasaya