Mga Linyada Kan Sarong Naglalaom

Aga na naman, paniba’gong aldaw, paniba’gong buhay. Arog kang dati, sa pag bungkaras sa banig na pig-higdaan, titipigon ang tamong na ginamit sa malipot na banggi. Papakarayon ang mga ulunan na kugos-kugos sa bilog na mag-aga. Mainit ki tubig nganing magtimpla ki sarong basong kapeng bagas. Mabakal sa panaderya ki mag katulong tinapay, matukaw sa balkon urawang pig hihiling ang pag sirang kang aldaw.

                Arog kang dati, arog kusu-ogma, arog kang nakalipas na aldaw asin mga semana, bulan asin taon. Arog kang dati.

                Pero maabot ang aldaw, mamata ako na kataning ta ka na….maabot an, madali na.